Arte eszenikoei buruzko berriak

NAZIOARTEKO MEZUA 2007

Bere Gorentasun Bin Mohammed Al-Qasimi Xeike Sultana
AEBko Kontseilu Goreneko kidea – Sharjah-ko agintzailea

Eskolako nire lehen urteetan hasi zen, hain zuzen, antzertiaz dudan liluramendua, eta orduz gero gogoa bahiturik nauka mundu magiko horrek.

Hastapenak xumeak izan ziren. Izan ere, adimena eta izpiritua aberasteko eskolaz kanpoko jardueratzat hartu nuen nik hasiera batean ezustean egindako topatze hura. Hori baino askoz gehiago izatera iritsi zen, ordea, neure burua antzerki produkzio batean leporaino sartuta ikusi nuenean idazle, antzezle eta zuzendari gisa. Gogoan dut politikari buruzko antzezlan bat izan zela eta garai hartako agintariak Sarreraren gaindikakoa irakurri »

Arte Eszenikoen Goi Mailako Euskal Eskola Ofizialaren sorkuntzarako Plataformak helburu hau betetzeko proiektua geldirik dagoela salatu du.
Plataforma honetako kide dira hainbat gidoigile, aktore, dantzari eta tekniko. Atzo emandako prentsaurrekoan talde honek bere “kezka azaldu zuen Eusko Jaurlaritzaren pasibotasunagatik, nahiz eta Legebiltzarrak erresoluzio bat atera 2007-2008 ikasturtean sortzeko”. Sarreraren gaindikakoa irakurri »

 Donostiako Victoria Eugenia Antzokiaren sarrera libreko egunak amaitu eta gero, jarleku kopuru guztizkoa ikuskizun motaren arabera zehaztu da, eta kontuan izanik Inaugurazio Denboraldiko babesleak, konpromiso instituzionalak eta komunikabideen bertaratzea.

Horregatik, bihar, ostirala, martxoak 23, salgai jarriko dira sarrera gehiago, ikuskizun bakoitzaren ezaugarrien arabera (zein arte generotakoa den, jarlekuekin ala gabe, eta abar). Hartara, Victoria Eugenia Antzokiko inaugurazio denboraldirako geratzen diren sarrera guztiak izango dira salgai, ohiko bideetatik: Victoria Eugenia Antzokiko bertako leihatilez gainera (Argentinar Errepublikaren eta Erregina Erregentearen kaleen kantoian), Antzoki Zaharrekoa eta Kutxak eskaintzen dituen aukerak: Telekutxa (943 001200), Servikutxa eta www.kutxa.net 

Martxoaren 27an Victoria Eugenian egingo den gala ikusgarrian ikusi ahal izango da Txalo konpainiaren obra saritua

Txalo Produkzioak konpainiaren “Artea” antzerki lanak irabazi du Euskararen Udal Patronatuak eta Donostia Kulturak antolatzen duten “VII. Donostia Antzerki Saria”. Saria emateko ekitaldia Nazioarteko Antzerkiaren Egunean egingo da, martxoaren 27an, 20:00etan, Victoria Eugenia antzokian.

Sarreraren gaindikakoa irakurri »

Victoria Eugenia Antzokia berriro zabaldu dela eta, Donostia Kulturak Victoria Eugeniari buruzko 61 orriko Victoria Eugenia, 1912-2007 izeneko liburuxka argitaratu berri du.

Mari Karmen Gil-ek koordinatua, liburuak antzokiaren berriztapena, bere aretoak, arkitektura, margo multzoak eta abar jorratzen ditu, hala nola eszenategitik pasa direnen artista ospetsuenen argazkiak. Liburuxkak Victoria Eugeniaren korporazio-irudi berriari atal txiki bat ere eskaintzen dio.

Liburu hau doan banatuko da, martxoaren 21ean izango den kontzertuan.

Datorren martxoaren 21erako EOSeko musikarien greba deialdia dela eta, egun berean Victoria Eugenia Antzokian ospatu behar zen kontzertuaren egitaraua aldatu egin da eta bere ordez, Gerardo Rifón organojolea jardungo da  Donostiako Orfeoiarekin, P.Madina, J.S.Bach, J.Brahms, F.Mendelssohn, A.Lloyd Weber, J.Busto, G.Fauré eta P.Mascagniren lanekin. 

Horregaitik, sarreren salneurriak hurrengo moduan aldatu dira :

 - 45 eurokoak, 25 balioko dute.

- 30 eurokoak, 20 balioko dute.

- 20 eurokoak, 15 balioko dute.

Sarrerak erosi dituztenek, bi aukera izango dituzte: itzuli eta dirua berreskuratu edota, eserleku berdinengatik aldatu eta bere balioaren diferentzia berreskuratu. Horretarako,  Victoria Eugenia eta Antzoki Zaharreko lehiatiletara jo beharko dute martxoaren 19 edo 20ean.

Ondoren, asteazkenean salgai jarriko dira kontzerturako gera daitezken sarrerak. 

Lehiatila ordutegia:   11:30-13:30; 17:00-20:00

Informazioa:  943 48 18 18 ETA 943 48 19 70

Antzerkia Airean, Donostia Kulturak Casares Irratiaren bitartez antolatutako irrati antzerkiari eta fikzioari buruzko lehiaketa da. Bigarren urtez, lehiaketa honekin irrati-fikzioa sustatu nahi da, berau sortzen, hedatzen eta indartzen lagunduz. Esperimenta ezazu, izan zaitez sortzaile eta esku hartu zeure soinu-kontakizuna, audioko CD batean grabatuta. Bereziki honako hauei zuzendutako lehiaketa da: antzerki-konpainia amateur eta profesionalei, ikus-entzunezko eta bikoizketa eskolei, unibertsitateei, irratiei eta genero honetan interesatutako guztiei. Lanak aurkezteko epea ekainaren 15ean amaituko da.

Sarreraren gaindikakoa irakurri »

Atzo, Ramon Kelvinck funanbulistak, 160 metroko altzairuzko kable baten gainean, Ramon Maria Lili eta Victoria Eugenia Antzokiaren arteko distantzia egin zuen. Argi eta soinu ikuskizun baten erdian, akrobata frantsesak 10 minutu behar izan zituen Urumea zeharkatu eta Antzokira iristeko.

Ikuskizunera milaka herritar bildu ziren. Bukaeran su artifizial, argi eta soinu eztanda handi bat izan zen. Victoria Eugeniaren irekiera ospatzeko burututako ekitaldi hau bezperan zen ospatzekoa, hilaren 9an, baina eguraldi txarra zela eta ezin izan zen ospatu. Ikuskizuna hasi aurretik txarangak eta batukada talde bat inguruak animatzen aritu ziren.

Antzokiak Emakumearen eguna ospatuko du larunbat honetan, saio berezi batekin,“Mujeres de Cine y Teatro” izenekoa, Secuencia 3-ek ekoiztua eta Paloma Pedrerok zuzendua. Bertan parte hartuko duten aktoreak hauek dira: Angeles Martín “La loca” obra antzeztuz, Aizpea Goenaga “Su tabaco, gracias” bakarrizketarekin, Amparo Climentek “Tras los cristales” taularatuko du, “Hoy es el día” Isabel Alboyren eskutik, Kontxu Odriozola “Ana Martxoaren 11n” lanarekin eta Las Veneno “El masajista” obrarekin.

Sarreraren gaindikakoa irakurri »

Donostiako Nazioarteko Antzerki Feria baztertu ezineko hitzordua da arte eszenikoetan. 1988an izan zen lehenengoa, eta gaur egun nazio mailako ekitaldi kultural garrantzitsuena bihurtu da antzerki ferien arloan. Gainera, Espainiatik kanpo ere, merkatu latino eta europarrean oro har, geroz eta indar gehiago hartzen ari da. Edizio berri honetako albisterik aipagarriena aldiz, Victoria Eugenia Antzokiaren irekiera izango da, sei urtetan itxita egon dena.
Sarreraren gaindikakoa irakurri »